Категорија: Фудбал

Фудбалската Лига на шампиони влезе во завршна фаза, на програмата се натпреварите од четвртфиналната фаза. „Опта“, сајтот за фудбалска статистика, објави кој има најголеми шанси да победи во елитното европско клупско натпреварување.

Тие користеле суперкомпјутер за да ги одредат шансите. Според пресметките, Манчестер Сити има најголеми шанси за освојување на Лигата на шампионите – 28,3 отсто. На второ место е Реал Мадрид со 15 отсто, а на трето е ПСЖ со само нешто помали шанси од Реал – 14,7 отсто.
Најмалку шанси за освојување на Лигата на шампионите има Атлетико Мадрид – само пет проценти.

Селекторот на У21 репрезентацијата на Македонија, Драган Канатларовски, даде изјава пред квалификацискиот натпревар против силната Шведска и даде краток осврт на претходниот меч со Гибралтар. 

Младите надежи на Македонија извојуваа само минимален триумф над Гибралтар со 1-0, а мисијата ќе биде уште потешка против Шведска, која ќе пристигне во Скопје барајќи одмазда за поразот во првиот меч. 

превземено од Gol.mk

Селекторот на македонската фудбалска репрезентација, Благоја Милевски, изврши три замени од тимот кој почна против Молдавија во петокот. Против Црна Гора попладнево нема да почнат во стартниот тим Илјазовски, Серафимов и Милан Ристовски, а шанса добиваат Зајков, Велковски и Костадинов. 

Македонија:
Димитриевски, Чурлинов, Велковски, Муслиу, Зајков, Алиоски, Атанасов, Барди (капитен), Костадинов, Елмас, Миовски

Црногорскиот селектор, Роберт Просинечки, најави дека само Јоветиќ ќе почне од првата минута од тимот кој ја совлада Белорусија. Нашиот ривал ќе настапи со десет нови фудбалери во стартниот состав. 

превземено од Gol.mk

Еден од кандидатите за освојување на пехарот во Лигата на Европа, екипата на Ливерпул во 1/4 финалето ќе игра против Аталанта. Ова е исходот од ждрепката одржана во Нион.

Италијанско дерби во 1/4 финалето и дуел помеѓу Милан и Рома, што значи дека еден италијански тим сигурно ќе оди во полуфиналето на ова натпреварување. Баер Леверкузен кој со многу среќа мина во 1/4 финалето, за противник го доби Вест Хем, додека Бенфика ќе игра против Олимпик Марсеј.

ЛИГА НА ЕВРОПА, 1/4 ФИНАЛЕ

МИЛАН – РОМА

ЛИВЕРПУЛ – АТАЛАНТА

БАЕР Л. – ВЕСТ ХЕМ

БЕНФИКА – ОЛИМПИК МАРСЕЈ

ЛИГА НА ЕВРОПА 1/2 ФИНАЛЕ

БЕНФИКА/ОЛИМПИК М. – ЛИВЕРПУЛ/АТАЛАНТА

МИЛАН/РОМА – БАЕР Л./ВЕСТ ХЕМ

превземено од Екипа.мк

Македонската А репрезентација го оддржа вториот тренинг во турска Анталија како подготовка за контролните натпревари против Молдавија и Црна Гора. Репрезентацијата денеска ќе биде во комплетен состав со приклучувањето доцна попладне на Бојан Димоски.

Нашиот напаѓач, Бојан Миовски смета дека овој период е одличен за подготовка на тимот и се надева на позитивни резултати против Молдавија и Црна Гора.

„Секогаш е одлично чувството кога одново сме во репрезентативниот дрес. Убаво е да се видиме после подолг временски период и гледаме позитивно на натпреварите кои ни следуваат. Доколку целта е да играме на големо натпреварување треба да играме со одлични репрезентации и на контролни натпревари. Молдавија и Црна Гора, а потоа и Хрватска во јуни се одличен тест за нас, треба да дадеме се од себе, да ги слушаме насоките на селекторот, да се фокусираме на стратегијата и се разбира, да се воигруваме за следниот циклус. Секогаш давам 200 % за клубот и репрезентацијата, секако ќе ми биде многу драго да почнам да погодувам и во националниот дрес, различно е чувството кога даваш гол за репрезентацијата и се надевам и се надевам дека ќе ја искористам шансата ако ми се укаже“, изјави Миовски.

превземено од Екипа.мк

Неверојатни сцени ни доаѓаат од Турција, каде се играше дерби натпреварот од Суперлигата помеѓу Трабзонспор и Фенербахче. Гостите победија со конечни 2-3, а нашиот Енис Барди постигна неверојатен погодок од слободен удар, но вниманието на јавноста го привлече огромниот инцидент кој се случи по завршувањето на мечот.

Фудбалерите на Фенербахче го прославуваа триумфот, па во еден момент на теренот влетаа хулигани кои ги нападнаа гостинските играчи, а највоинствен беше Мичи Батчуаји, кој со кунг-фу удар нокатураше еден од навивачите кој трчаше директно кон негo.

превземено од Gol.mk

Косопственичката на Њукасл Јунајтед, Аманда Стејвли ја разбранува фудбалската јавност со своето последно излагање. Таа гостуваше на самит во Џеда, каде што зборуваше за управувањето на фудбалот, па се осврна и на Саудиска Арабија. 

Според неа, клуб од оваа земја во блиска иднина ќе заигра во Лигата на шампионите. Таа кажа дека има инсајдерски информации на оваа тема и најави влегување на Саудијците во европскиот фудбал.

Македонската фудбалска репрезентација повеќе нема да смета на услугите на Аријан Адеми. Фудбалерот за врска одлучи дека е време за крај на репрезентативната кариера, а неговата одлука ја соопшти селекторот Благоја Милевски. 

Предводникот на нашиот национален состав зборуваше за списокот на фудбалери за натпреварите против Молдавија и Црна Гора во Анталија и ги откри новостите. Адеми мачеше мака со повреди во претходните години, а сега одлучи да се посвети само на клупскиот фудбал.

Барселона му гостува на Наполи во судирот на ланските шампиони кои се во криза, во рамките на осминафиналето на Лигата на шампионите. Во пресрет на дуелот „партенопеите“ го сменија тренерот, Франческо Калцона го презеде тимот од Валтер Мацари. 

Токму тој момент Чави го нагласи како проблематичен за подготовка на тактиката за оваа средба. 

„Дојдовме во Неапол со ентузијазам и надеж. Ова е чудно сценарио, нè очекува меч со Наполи, а тимот го смени тренерот пред неколку денови. Не е лесно да се подготвиме за оваа средба. На крајот од денот, играме против шампионот на Италија. Не сметам дека ние сме фаворит. Јас гледам на овој двомеч дека имаме 50-50% шанси, мора на теренот да покажеме дека сме подобри од Наполи. Истиот пристап мора да биде в среда и на реваншот, ништо други не е важно“, изјави Чави.

Наполи цела сезона го дрма сериозна криза, во калчото е на деветтото место, додека Барселона и покрај турбулентните резултати е третопласирана во Примера.

Англиската Премиер лига останува без највозрасниот менаџер меѓу членовите на елитното друштво. Сите медиуми на Островот ја потврдија веста дека Рој Хоџсон дефинитивно го напушшти Кристал Палас, а управата ќе го соопшти името на новиот тренер до крајот на неделава. 

За 76-годишниот стратег ова беше втор престој во клубот, откако претходно го водеше во периодот од 2017 до 2021 година. Прекинот на соработката доаѓа поради две причини – лошата серија од три победи на последните 16 мечеви, како и влошеното здравје на тренерот.