На четвртфиналните натпревари од Лигата на шампионите оваа недела во Мадрид, Париз и Лондон, безбедноста ќе биде зголемена по наводните терористички закани на сите четири натпревари.
Ова го објави „Скај“, кој соопшти дека УЕФА е свесна за наводните терористички закани и подолго време соработувала со трите градови домаќини.
превземено од Gol.mk
По завршувањето на Азискиот Куп и Африканскиот Куп на Нации, Светската фудбалска федерација (ФИФА) ја објави првата ранг листа во 2024 година.
Нашата селекција во овој период не одигра ниту еден натпревар, па забележа мал пад на оваа листа. Македонија од 65. место, на кое ја заврши 2023 година сега е на 68. позиција со 1362 бода. Под нас се Обединетите арапски емирати и сензацијата на Азискиот Куп, Јордан, додека пред нас се и Гана, Узбекистан, Албанија…
Најголемиот скок го направија финалистите на Африканскиот Куп на нации. Шампионот Брегот на Слоновата Коска се пресели од 49. на 39. место, додека Нигерија од 42. на 28. позиција.
Нема промени меѓу првите десет. Аргентина и натаму е на врвот, пред Франција и Англија. Од четврто до десетто место се пласираа Белгија, Бразил, Холандија, Португалија, Шпанија, Италија и Хрватска.
Фудбалската федерација на Македонија во периодот од 7. до 11. февруари во Кичево организираше заеднички семинар за фудбалски судии и судиски контролори пред самиот старт на втората полусезона од натпреварувачката 2023/24 сезона.
Во првиот дел од семинарот се одржа предавање за контролорите од најновите материјали од УЕФА, како и давање насоки за новата сезона. Во наредните денови се работеше со главните и асистетнти судии, односно со мерење на висина и масно ткиво на судиите, предавања од најновите презентации со видео клипови од УЕФА, полагање на видео тест за судиите и на крај полагање на физичките норми.
Maкедонскиот фудбалер Елиф Елмас вечерва го очекува натпреварот против Реал Мадрид, неговиот Лајпциг е домаќин на „кралевите“ кои и оваа сезона се едни од најсериозните кандидати за европскиот трон.
Македонските боксери ги добија противниците двата митинга „Опен Балкан“ и „Младинска Златна ракавица“, на кои ќе настапат до крајот на оваа недела. Ален Рустемовски од Пелистерски јунак, Петар Трајчевски од Алексо Огненовски и Никола Кисковски од Аперкат останаа без противници, а останатите ќе дебитираат попладнево.
Бајрам Мамутовски (2006 г. / 48 кг) и Ардијан Рустемовски (2006 г. / 57 кг) ќе настапат на Младинската златна ракавица.
Кадети:
42 кг. Арабел Рустемовски (Пелистерски јунак) – Лука Лазиќ (Вождовац)
63 кг. Матеј Батковски (Алексо Огенонвски) – Велјко Диниќ (Професионалац)
„Копенхаген е солиден тим, кој покажа дека може да игра со гигантите. Ние сме мотивирани и знаеме што треба да направиме, но мислам дека воопшто нема да биде лесно. Сити ќе страда во Данска, на теренот битката ќе биде жестока.
Тие се пласираа во разигрувањето по подолго време и сигурно ќе сакаат да одат чекор напред. Таков е менталитетот на луѓето, успехот секогаш бара нови успеси. Го почитуваме ривалот, но ќе се обидеме да победиме“, рече Шпанецот.
Бојан Миовски продолжи да игра во врвна форма, даде два гола за Абердин во осминафиналеот на Шкотскиот куп против нисколигашот Бониринг Роуз.
По овој натпревар, одново со медиумите тренерот Нил Ворнок мораше да зборува за македонскиот напаѓач. Искусниот стратег имаше само пофални зборови за Миовски, а призна дека тој е најдобар напаѓач кој го тренирал.
„Што можам да кажам за Миовски? Верувале или не, пред натпреварот му кажав да постигне неколку голови и да го заменам на полувреме или ако сака уште 15 минути за хет-трик ќе го оставам. Тој сакаше да игра повеќе, станува збор за врвен голгетер. Низ кариерата секогаш сум се мачел зо добри напаѓачи. Имав добри голмани, дефанзивци и играчи за врска, ама никогаш врвен напаѓач. Иронично е што е во оваа фаза на кариерата, но Миовски е најдобриот напаѓач кој сум го тренирал“, изјави Ворнок.
Интересно е дека Ворнок во својата кариера во Англија водеше и неколку значајни имиња. Во Премиер лигата беше тренер на 112 натпревари, додека најмногу време од кариерата мина во Чемпионшип лигата.
Екипата на Арсенал го забележа најголемиот триумф сезонава, а воедно и му го нанесе најголемиот пораз на Вест Хем во меѓусебните пресметки, откако во големото градско дерби на 24. коло во англиската Премиер лига славеше со огромни и преубедливи 0-6 (0-4).
„Чеканите“ на Дејвид Мојс беа загубени на теренот уште од самиот старт, а гостинскиот тим ги казнуваше сите грешки и водеше со големи 0-4 уште на паузата. Салиба и Сака најпрво донесоа водство од 0-2, а третиот погодок беше дело на екс-ѕвездата на Вест Хем, Деклан Рајс. Леандро Тросард го постигна четвртиот гол за Арсенал и го одведе тимот на одмор со огромна предност, 0-4
Вторите 45 минути донесоа за нијанса помирно темпо, но домашните фудбалери не беа ниту близу до барем почесен погодок. „Топчиите“ продолжија да го „мелат“ вечниот лондонски ривал и постигнаа уште два гола преку Букајо Сака и Деклан Рајс. Вториот постигна спектакуларен погодок од триесетина метри и заплака при прославата, покажувајќи голема почит за неговиот поранешен клуб.
